The Principal Navigations, Voyages, Traffiques and Discoveries of the English Nation — Volume 01 by Hakluyt, Richard, 1552-1616

SECTIO TERTIA.

[Sidenote: Musterus Saxo.] Nomen habet a glacie qua illi perpetuo ad Boream adheret Item. A latere Occidentali Noruagia Insula, qua Glacialis dicitur, magno circumfusa Oceano repentur, obsoleta admodum habitationis tellus, &c. Item, Hac est Thyle, nulli veterum non celebrata.

Nomen habet a glacie) Tria nomina consequenter sortita est Islandia. [Sidenote: Snelandia.] Nam qui omnium primus eius inuentor fuisse creditur Naddocus genere Noruagus, cum versus insulas Farenses nauigaret tempestate valida, ad littora Islandia Orientalis forte appulit: vbi cum fuisset aliquot septimanas cum socijs commoratus, animaduertit immodicam niuium copiam, montium quorundam cacumina obtegentem, atque ideo a niue nomen Insula Snelandia indidit. Hunc secutus alter, Gardarus, fama quam de Islandia Naddocus attulerat impulsus, Insulam quasitum abijt, reperit, & nomen de suo nomine Gardarsholme id est, Gardars Insula imposuit. Quin & plures nouam terram visendi cupido incessit: nam & post illos duos adhuc tertius quidam Noruagus (Floki nomen habuit) contulit se in Islandiam, illique a glacie qua viderat ipsam cingi nomen fecit.

Obsoleta admodum) Ego ex istis verbis Saxonis hanc sententiam nequaquam eruo, vt quidam, quod inde ab initio habitatam esse Islandiam, seu vt verbo dicam, Islandos autocthonas dicat, cum constet vix ante annos 718. incoli coeptam.

Hac est Thyle) Grammatici certant & adhuc sub iudice lis est. Quam tamen facile dirimi posse crediderim, si quis animaduertat, circa annum Domini 874. primum fuisse inhabitatam. Nisi quis dicere velit Thulen illum Agypti Regem, quem hoc ipsi nomen dedisse putant, ad Insulam iam tum incultam & inhabitatam penetrasse. Illud vero rursus si quis neget, per me sane licebit, vt illud sit quaddam quasi spectaculum, dum ita in contrarias scinduntur sententias. Vnus affirmat esse Islandiam. Alter quandam insulam, vbi arbores bis in anno fructificant. Tertius vnam ex Orcadibus, siue vitimam in ditione Scoti, vt Ioannes Myritius & alij, qui nomen illius referunt, Thylensey, quod etiam Virgilius per suam vltimam Thylen sensisse videtur. Siquidem vltra Britannos, quo nomine Angli hodie dicti & Scoti veniunt, nullos populos statueret. Quod vel ex illo Virgilij Eclog I. apparet:

Quartus vnam ex Farensibus. Quintus Telemarchiam Noruagia. Sextus Schrichfinniam.

Perpetuo ad Boream adharet.) Illud vero, Glaciem Insula perpetuo, vel vt paulo post asserit Munsterus: Octo continuis mensibus adharere: neutrum verum est. [Sidenote: Glacies Aprili aut Maio soluitur.] Nam vt plurimum in mense Aprili aut Maio soluitur, & Occidentem versus propellitur, nec ante Ianuarium aut Februarium sapissime etiam tardius redit. Quid? quod plurimos annos numerare licet, quibus glaciem illam huius nationis immite flagellum, ne viderit quidem Islandia: Quod etiam hoc anno 1592. compertum est. Vnde constat quam vere a Frisio scriptum sit, nauigationem ad hanc insulam tantum quadrimestrem patere, propter glaciem & frigora, quibus intercludatur iter, Cum Anglica naues quotannis nunc in Martio, nunc in Aprili, quadam in Maio, Germanorum & Danorum in Maio & Iunio, plarumque ad nos redeant, & harum quadam non ante Augustum iterum hinc soluunt. Superiore autem anno 1591. quadam nauis Germanica, cupro onusta, portum Islandia Vopnafiord 14. dies circiter in Nouembri occupauit, quibus lapsis inde foeliciter soluit Quare cum glacies Islandia, nec perpetuo, neque octo mensibus adhareat, Munsterus & Frisius manifeste falluntur.

The same in English.

THE THIRD SECTION.